fbpx
//兒童講大話真相

兒童講大話真相

兒童講大話真相

要數父母最反感的事, 非子女 “講大話” 莫屬, 隨後上演 “藤條炆豬肉” 自然係家常便飯。 唔講唔知, 識得講大話其實係小朋友智力發展嘅一分子, 顯示他們知道真假嘅分別。 但家長過度责罚講大話嘅小朋友, 卻會阻礙他們的道德意識發展。 係好係壞, 掌握晒喺家長手度。

個案嚴懲個仔講大話行為

十歲嘅志明 (假名), 有一位管教好嚴嘅媽媽, 佢最不能忍受個仔講大話, 惟恐佢愈來愈衰, 故用嚴峻的方法懲罰志明。 好似罰跪通宵, 唔係志明一個人跪, 而是媽媽陪佢一齊跪, 目的想同個仔﹕ “我唔係胡亂罰你架。 我都好心痛。 “又將佢心愛嘅小動物拋到街外……佢覺得自己咁嚴厲並不妥當, 便找精神科醫生幫手。
精神科醫生知道媽媽其實好痛錫兒子, 只係方法唔岩。 診症室內媽媽唔在場, 醫生問志明﹕ “媽媽係唔係唔鍾意你講大話﹖” 當提到媽媽跌死佢心愛嘅小動物時, 志明終於大哭。 醫生又問﹕ “平日媽媽有冇同你一起外出﹖” “有上酒樓飲茶, 不過, 爸爸同媽咪一齊去買野, 得返我同細佬出街, 然後在相約的地方會合。 ”
醫生察覺佢哋兩母子的關係談不上很好, 志明更說﹕ “媽咪隻 ‘ 啄 ‘ 住我講大話。 ”

讓孩子明白講大話影響人

精神科醫生萧宏展指出, 年紀尚小的孩子害怕講大話或者唔會講大話, 原因無他, 主要係怕被罰。 隨他們漸漸大, 體能、智力及社交能力等各方面亦同時成長, 當然包括道德意識。
“大約八歲開始, 佢地覺得 ‘ 講大話 ‘ 對其他人唔公平, 仲會令彼此唔信任。 “如果父母及師長將佢哋自細鬧到大, 小朋友只會停留怕被責的地步, 而不會過渡至為人設想的階段。 換言之, “小朋友會一直處於八歲前的階段”。

識分真假先識講大話

小朋友 “講大話” 其實涉及很多有趣的知識。

●有說法指小朋友不懂分辨事實與想象, 才無意識地講大話。 萧宏展指出, 傳統心理學指七歲或更年幼的小朋友才如此, 唯近年有研究指只有四歲或以下先會咁。 但他相信, 有些發展尚未成熟的七歲小朋友, 仲係混淆事實同想象。
●近年有人持另一種看法, 指四歲前嘅兒童根本唔識講大話。 年紀尚小的小朋友凡事以自我為中心, 即 “我怎樣想, 你又點諗。 “佢哋唔知大人有自己嘅思想, 故佢哋好難諗到用講大話嚟影響人思想, 或呃他人去相信自己的說話。 萧宏展指出, 小朋友明白兩點, 便知講大話係乜嘢一回事。 “所以話 ‘ 講大話 ‘ 係小朋友智力發展一分子﹕唔知咩呌真, 會知道咩係假。 ”

講大話思維發展三層次

由此可知, 講大話可細分三個層次﹕
(2)由於小朋友唔明人的确有自己思想, 故講大話嘅目的唔係影響人的決定, 如希望父母覺得妹扭計。 可能無心失言成分居多。
(3)漸漸長大之後, 小朋友開始知人有自己嘅想法, “講大話” 的目標便更明確﹕想影響人。
(2)除了影響人, 都要游說人, 掌握對方心理。 這種層次同推銷員沒兩樣。

萧宏展笑講一次親身經歷﹕同班同學同佢一樣有集郵嘅嗜好。 十歲那年, 同學邀請萧宏展去佢屋企睇十本郵票簿內嘅珍藏, 然後同學同萧宏展講﹕ “如果我兩個有得一齊集郵幾靚, 算起來便有許多郵票啦。 “當時萧宏展聽罷都同意, 但估唔到呢句說話居然令佢留下手上嘅郵票簿係同學屋企, 之後攞唔番。
“其實, 他正改變我的想法。 “萧宏展回想起來, 位小學同學不單成功影響佢嘅想法, 更成功游說佢自動放下自己的郵票簿, 證明位同學年紀細細已經曉得掌握人心理。

謊言效應家長影響子女

既然小朋友講大話某程度上睇係佢哋智力發展嘅一分子, 家長嘅態度便會影響他們的發展。

●父母點樣對講大話嘅子女, 在在影響小朋友點樣睇大話。 像上文談到志明嘅媽媽苛責他, 就算志明長大之後, 只會停留在 “唔講大話係怕受罰” 的地步, 佢嘅內在道德標準完全冇成長起來。
●小朋友久唔久講啲天馬行空嘅嘢, 好似 “我大個之後送架飛機俾你”。 父母唔使责罚佢哋所講嘅說話 “没有等令”, 始終小朋友有很強的想象力, 家長的角色可以係同佢哋傾, 教佢哋分辨想象及真實。
●以身作則好重要。 唔好呢邊同子女講﹕ “千祈唔好 ‘ 講大話 ‘。 “轉過頭來卻在子女面前講大話。
●父母下的承諾要兌現。 應承咗一齊去海洋公園嘅話, 就不要推說臨時有應酬唔可以去, 乜誠信與真誠都霧消雲散。
●唔可以呃小朋友, 話出街睇戲其實係呃佢去睇牙醫。
●家中有秘密, 亦屬欺騙。 最明顯嘅例子係爸爸有外遇, 子女其實心知肚明, 但媽媽唔想子女提起, 否則大嘈一餐。 小朋友難辨真假, 都令佢哋唔敢講真話。

來源: http://www.holine.com/june/161917.htm

2018-12-31T18:08:40+00:00

關於作者:

執業精神科專科醫生,香港大學內外全科醫學士,英國皇家精神科醫學院院士, 香港醫學專科學院院士 (精神科) 歷任西區精神科門診部駐院醫生,青山醫院駐院醫生, 葵涌醫院駐院醫生,瑪麗醫院駐院醫生。著有: 心靈診所 1 抑鬱症, 自閉的天空Autistic Sky, 及躍出深淵: 抑鬱症的成因與治療 等書。